განცხადება განკუთვნილია საქონლის საბაჟო დეკლარაციაში (სსდ), საბაჟო დეკლარაციაში (ფორმა 4) გაშვების შემდეგი კონტროლის სამმართველოს კომპეტენციას მიკუთვნებული ცვლილების განხორციელებისთვის.

გაშვების შემდეგი კონტროლის სამმართველოს კომპეტენციას მიეკუთვნება თუ ცვლილება ეხება საქონლის რაოდენობის ან/და ღირებულების ან/და გადასახდელის თანხის შემცირებას , გარდა საქართველოს ფინანსთა მინისტრის 2019 წლის 29 აგვისტოს №257 ბრძანების . დანართის N8, მე-14 მუხლით „საქონლის საბაჟო დეკლარაციაში ცვლილების შეტანა საქონლის გაშვების შემდეგ“ განსაზღვრული შემთხვევებისა.

გაითვალისწინეთ, ცვლილება არ ხორციელდება როდესაც:

- ცვლილება ეხება საქონელს, რომელიც ამ დეკლარაციით თავდაპირველად დეკლარირებული არ იყო (ასეთ შემთხვევაში საბაჟო ორგანო აფიქსირებს სამართალდარღვევას, პირს წარედგინება საგადასახადო მოთხოვნა, ხოლო დეკლარაციაში ცვლილება არ ხორციელდება);

- საბაჟო ორგანომ დეკლარანტს შეატყობინა ამ დეკლარაციის შემოწმების განზრახვის შესახებ;

- საბაჟო ორგანომ დაადგინა ამ დეკლარაციაში არასწორი მონაცემის არსებობა;

- საქონლის გაშვების შემდგომი კონტროლის განხორციელების შესახებ, სასამართლოს ან საბაჟო ორგანოს შესაბამისი გადაწყვეტილების ჩაბარებიდან;