სატრანსპორტო საშუალებაზე დარიცხული და გადახდილი აქციზის და იმპორტის გადასახადის თანხის შემცირება პირადი აღრიცხვის ბარათზე
ინფო
განცხადება განკუთვნილია იმ პირთათვის, რომელთა კუთვნილი სატრანსპორტო საშუალება (მსუბუქი ავტომობილი/მოტოციკლი (მათ შორის მოპედი)) თავისუფალ მიმოქცევაში გაშვების პროცედურაში მოქცევიდან 180 კალენდარული დღის განმავლობაში გაფორმდა ექსპორტის პროცედურაში, დატოვა საქართველოს ტერიტორია და სურს განბაჟების დროს დარიცხული და გადახდილი აქციზისა და იმპორტის გადასახადის შემცირება. შესაბამისად, თუ თქვენ ხართ იმპორტიორი და აკმაყოფილებთ საქართველოს საგადასახადო კოდექსის 189-ე მუხლის მე-8 ნაწილის და 198-ე მუხლის მე-3 ნაწილის საფუძველზე გათვალისწინებულ მოთხოვნებს, შეგიძლიათ წარმოადგინოთ/დაარეგისტრიროთ აღნიშნული განცხადება.
გაითვალისწინეთ! შემოსავლების სამსახურის ოფიციალურ ვებ გვერდზე(www.rs.ge) ელექტრონულად წარმოდგენილ განაცხადსა და მის საფუძველზე ელექტრონულად გაცემულ ნებისმიერ დოკუმენტს გააჩნია ისეთივე იურიდიული ძალა, როგორც წერილობით დოკუმენტს, მიუხედავად იმისა, რომ მას არ ახლავს უფლებამოსილი პირის ხელმოწერა და ბეჭედი.