განცხადება განკუთვნილია იმ პირთათვის, რომელმაც მიმართა საგადასახადო ორგანოს და გაიუქმა დღგ-ს გადამხდელად რეგისტრაცია (დღგ-ს რეგისტრაციის გაუქმების მიზეზი "სსკ-ის 165-1 მუხლის პირველი და მეორე ნაწილების შესაბამისად), თუმცა რეგისტრაციის გაუქმების ძალაში შესვლის თარიღამდე ("დღგ-ს გადამხდელად რეგისტრაციის გაუქმების შესახებ" განცხადებით მომართვის მომდევნო თვის პირველი რიცხვი) წარმოეშვა ქვემოთ ჩამოთვლილი ერთ-ერთი გარემოება, რის საფუძველზეც სურს მიმართოს საგადასახადო ორგანოს დღგ-ს გადამხდელად რეგისტრაციის გაუქმების შესახებ გადაწყვეტილების ძალადაკარგულად გამოცხადების თაობაზე.
აღნიშნული გარემოებებია:
- პირი აღარ აკმაყოფილებს დღგ-ს გადამხდელად რეგისტრაციის გაუქმების მოთხოვნებს/პირობებს (დღგ-ს გადამხდელად რეგისტრაციის გაუქმების მოთხოვნით მომართვის თვის დასრულებამდე განხორციელებული დღგ-ით დასაბეგრი ოპერაციების თანხის გათვალისწინებით ბოლო 12 კალენდარული თვის ოპერაციების ჯამური თანხა დღგ-ის გარეშე 100 000 ლარს აჭარბებს);
- დღგ-ს გადამხდელად რეგისტრაციის გაუქმების შესახებ მომართვის საანგარიშო თვეში წარმოეშვება დღგ-ს გადამხდელად რეგისტრაციის სსკ-ის 165-ე მუხლის 2-5 ნაწილით გათვალისწინებული ერთ-ერთი საფუძველი;
- პირს აღარ სურს დღგ-ს გადამხდელად რეგისტრაციის გაუქმება.
აღნიშნული განცხადებით მომართვა უნდა განხორციელდეს დღგ-ს გადამხდელად რეგისტრაციის გაუქმების ძალაში შესვლის თარიღამდე (დღგ-ის გაუქმების განცხადებით მომართვის მომდევნო თვის პირველ რიცხვამდე).