გთხოვთ, განცხადების ელექტრონული ფორმით შევსებისას დარწმუნდეთ, რომ:

*სწორად აირჩიეთ სერვისის გამწევი გაფორმების ორგანოს დასახელება;

გაითვალისწინეთ: განსხვავებულია გაუქმებისთვის აუცილებელი მოთხოვნები საქონლის გაშვებამდე (მხოლოდ C ნომრიანი) და გაშვების შემდეგ (A ნომრიანი) სტატუსში მყოფი დეკლარაციებისთვის.

დეტალური ინფორმაცია საბაჟო დეკლარაციის ბათილად ცნობის შესახებ იხ. ფინანსთა მინისტრის ბრძანება N257 "საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამატების თაობაზე" მე-8 დანართის მე-14.1 მუხლი "საბაჟო დეკლარაციის ბათილად ცნობა"

საბაჟო პროცედურის/რეექსპორტის განსაზღვრისას, დოკუმენტები წარედგინება ელექტრონული ფორმით, ხოლო დოკუმენტები მატერიალური ფორმით ინახება დეკლარანტთან, რომელიც ვალდებულია მოთხოვნისამებრ წარუდგინოს ისინი საბაჟო ორგანოს. ლიცენზიები, ნებართვები, სერტიფიკატები, გარანტიები და შეღავათის დამადასტურებელი დოკუმენტები ინახება ორიგინალის სახით, ხოლო სხვა დოკუმენტების შენახვა შესაძლებელია, როგორც დედნის, ასევე დეკლარანტის მიერ ხელმოწერითა და ბეჭდით (არსებობის შემთხვევაში) დამოწმებული ასლის სახით.