განცხადება განკუთვნილია საბაჟო საწყობის საქმიანობის ნებართვის მფლობელებისთვის
გთხოვთ, განცხადების ელექტრონული ფორმით შევსებისას დარწმუნდეთ, რომ:
- სწორად გაქვთ არჩეული საბაჟო საწყობის კოდი (WHS);
- სწორად გაქვთ არჩეული პერიოდი.
საბაჟო საწყობის საქმიანობის ნებართვის მფლობელი ნებართვის მოქმედების მთელი ვადის განმავლობაში ვალდებულია, აწარმოოს საბაჟო საწყობში არსებული საქონლის ნაშთების აღრიცხვა დადგენილი დანართის შესაბამისად და წელიწადში ორჯერ წარუდგინოს საბაჟო ორგანოს შემდეგი პერიოდულობით:
ყოველი წლის 1 იანვრის მდგომარეობით არსებული ნაშთების შესახებ ინფორმაცია წარუდგინოს არაუგვიანეს 20 იანვრისა;
ყოველი წლის 1 ივლისის მდგომარეობით არსებული ნაშთების შესახებ ინფორმაცია წარუდგინოს არაუგვიანეს 20 ივლისისა.
თუ კონკრეტული პერიოდისთვის საბაჟო საწყობში საქონელი არ ყოფილა განთავსებული, აღნიშნულის შესახებაც საბაჟო ორგანოსთვის წარმოსადგენია ინფორმაცია (მონიშნეთ შესაბამისი ღილაკი).
საბაჟო საწყობის საქმიანობის სანებართვო პირობები განისაზღვრება საქართველოს მთავრობის 2019 წლის 16 სექტემბრის N455 დადგენილებით დამტკიცებული "საბაჟო საწყობისა და თავისუფალი ვაჭრობის პუნქტის საქმიანობის ნებართვების გაცემის წესებისა და პირობების შესახებ" ინსტრუქციით.