თუ თქვენ ხართ დღგ-ის გადამხდელი და ეკონომიკური საქმიანობის ფარგლებში მეორად ნივთს, ხელოვნების ნიმუშს, საკოლექციო ნივთს ან ანტიკვარიატს:
ყიდულობთ შემდგომი რეალიზაციის მიზნით;
ახორციელებთ ამ საქონლის იმპორტს;
შესაძლებლობა გეძლევათ დღგ-ით დაიბეგროთ სპეციალური სქემის მიხედვით.
გაითვალისწინეთ, რომ დღგ-ით დაბეგვრის სპეციალური სქემის გამოყენების ფარგლებში:
უფლება არ გაქვთ, მიიღოთ დღგ-ის ჩათვლა იმ საქონელზე, რომლის მიწოდება იბეგრება სპეციალური სქემით;
თქვენს მიერ სპეციალური სქემით დაბეგრილი საქონლის მიწოდებისას, საქონლის მიმღებს არ აქვს დღგ-ის ჩათვლის უფლება;
დღგ-ით დაბეგვრის სპეციალური სქემით მოსარგებლე დასაბეგრი დილერების რეესტრიდან ამოღება შესაძლებელია, თუ სპეციალური სქემის გამოყენების პერიოდიდან გასულია 24 თვეზე მეტი.