ინფო

საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულების ან/და ამავე სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის მიერ, სამშენებლო სამუშაოების თაობაზე გაფორმებული ხელშეკრულების საფუძველზე, კონტრაქტორთა მიერ მშენებლობასთან დაკავშირებული საქონლის (მასალების,ხელსაწყოებისა და დანადგარების, ასევე, მშენებლობის პროცესში წარმოქმნილი გამონამუშევარის-მიწისა და ქანების) ტრანსპორტირებისასა, სასაქონლო ზედნადების გამოწერა სავალდებულო არ არის, თუ ტრანსპორტირების დაწყებისა და დასრულების პუნქტები მდებარეობს სამშენებლო მოედნის ფარგლებში. რეგულაციით სარგებლობის მიზნით, შემოსავლების სამსახურს წარედგინება განცხადება. განცხადებას უნდა დაერთოს: საქართველოს რეგიონული განვითარებისა და ინფრასტრუქტურის სამინისტროს მიერ გაცემული ცნობა სამშენებლო სამუშაოებში მონაწილეობის დადასტურების შესახებ. ამასთან, ცნობით უნდა დასტურდებოდეს: ა)დაინტერესებული პირის სახელწოდება/საფირმო სახელწოდება (ინდივიდუალური მეწარმის შემთხვევაში -სახელი და გვარი) და საიდენტიფიკაციო/პირადი ნომერ; ბ)პროექტის სახელწოდება, რომლის ფარგლებშიც ხორციელდება ამ მუხლის პირველი პუნქტით გათვალისწინებული სამშენებლო სამუშაოები; გ)სამშენებლო მოედნის ტერიტორიის შესახებ ინფორმაცია, კონკრეტული გეოგრაფიული პუნქტებისა და საავტომობილო გზების მონაკვეთების მითითებით; დ)დაინტერესებულ პირთან გაფორმებული ხელშეკრულების მოქედებისა და შესაბამისი მშენებლობის ნებართვის მოქმედების ვადები.