ინფო

გაცნობებთ, რომ 2019 წლის იანვრისა და შემდგომ საანგარიშო პერიოდ(ებ)ის დეკლარაციებზე ამოქმედდა დღგ-ის ზედმეტობის თანხის ავტომატური დაბრუნების შესაძლებლობა. შემოსავლების სამსახურის რისკზე დაფუძნებული მიდგომით, ინფორმაცია ავტომატურად დასაბრუნებლად ხელმისაწვდომი დღგ-ის ოდენობის შესახებ შესაძლებელია იხილოთ მოდულში "აღრიცხვა ანგარიშგება/დღგ-ის დაბრუნება" (გაანგარიშების ფორმა-დღგ-ის დაბრუნება NEW).
ზედმეტად გადახდილი დღგ-ს თანხის დაბრუნება წარმოებს განცხადების წარდგენიდან 1 სამუშაო დღეში.

საფუძველი: 2019 წლის 14 თებერვლის საქ.ფინანსთა მინისტრის N42 ბრძანება "დამატებული ღირებულების გადასახადის დეკლარირებით დასაბრუნებელი ზედმეტად გადახდილი თანხის ავტომატური დაბრუნების წესისა და პირობების დამტკიცების თაობაზე".
შენიშვნა: 1.თანხის დაბრუნება შესაძლებელია, მხოლოდ გადასახადის გადამხდელის კუთვნილ საბანკო ანგარიშებზე. 2.პირადი აღრიცხვის ბარათზე მონაცემთა კორექტირების შემთხვევაში, ზედმეტად გადახდილი დღგ-ს თანხის დაბრუნების (ავტომატური +)შესახებ გადამხდელის მოთხოვნა შესაძლოა არ დაკმაყოფილდეს.