ტურისტული საწარმოს მიერ უზრუნველყოფის საშუალებების წარმოდგენა
ინფო
ტურისტული საწარმოს სტატუსის მინიჭებასთან ერთად შემოსავლების სამსახური უფლებამოსილია, პირს მოსთხოვოს უზრუნველყოფის საშუალებების წარმოდგენა (საბანკო გარანტია, დაზღვევის პოლისი, ქონების (მ.შ. მესამე პირის საკუთრებაში არსებული) გირავნობა/იპოთეკით დატვირთვა). პირს შეუძლია წარმოადგინოს ერთი ან რამდენიმე უზრუნველყოფის საშუალება და წარმოადგინოს არა უგვიანეს საგადასახადო კოდექსის 172-ე მუხლის მე-4 ნაწილის "ქ" ქვეპუნქტით განსაზღვრული დღგ-საგან ჩათვლის უფლებით გათავისუფლებული სასტუმროს აქტივების/მათი ნაწილის მიწოდების თვის მომდევნო თვის 15 რიცხვისა. გირავნობა/იპოთეკით დასატვირთად, ქონების წარმოდგენის შემთხვევაში ტურისტული საწარმო ვალდებულია წარმოადგინოს დასკვნა ქონების ღირებულების შეფასების თაობაზე. წარმოდგენილი უზრუნველყოფის საშუალებების მოქმედების ვადა უნდა შეადგენდეს არანაკლებ 2 წელს, ხოლო მისი ღირებულება არ უნდა იყოს სსკ-ის 172-ე მუხლის მე-4 ნაწილის "ქ" ქვეპუნქტით განსაზღვრული დღგ-ისაგან ჩათვლის უფლებით გათავისუფლებული ბრუნვის 1.18-ზე გაყოფის შედეგად მიღებული თანხის 18%-ზე მეტი.
შენიშვნა: საბანკო გარანტიისა და დაზღვევის პოლისის შემთხვევაში, დოკუმენტი უნდა იყოს წარმოდგენილი დედანის სახით ნებისმიერ სერვისცენტრში.