ინფო

თქვენ შეგიძლიათ განცხადებით მიმართოთ რეგიონალურ ცენტრს და გამოითხოვოთ არქივიდან თქვენს მიერ გასულ საგადასახადო პერიოდებზე წარდგენილი დეკლარაციების და გაანგარიშების ასლები და მათი დანართები. ელექტრონული ფორმით დეკლარირების შემთხვევაში თქვენ შეგიძლიათ მოითხოვოთ საგადასახადო ორგანოს ელექტრონულ ბაზაში არსებული მონაცემის (დეკლარაციის/გაანგარიშების)ასლის დამოწმება. აღნიშნულისათვის, საჭიროა აირჩიოთ საანგარიშო პერიოდი (თვე, წელი და სხვა), რომლის მიხედვითაც გსურთ დეკლარაციების ასლების მიღება ან დამოწმება, ასევე დეკლარაციების ასლების მიღება (დამოწმების) თქვენთვის სასურველი ვადა 2 ან 10 სამუშაო დღე. მომსახურება ფასიანია. მომსახურების ტარიფი არქივიდან ერთი საანგარიშო პერიოდისათვის ერთი დეკლარაციისა და მისი დანართების ასლის გაცემისათვის (დამოწმებისათვის) შეადგენს :10 სამუშაო დღეში მომსახურების გაწევისათვის - 20 ლარს; 2 სამუშაო დღეში - 30 ლარს. ანგარიშის რეკვიზიტები: სსიპ ,,შემოსავლების სამსახური", მიმღები ბანკი - სახელმწიფო ხაზინა, მიმღების დასახელება- ხაზინის ერთიანი ანგარიში, ბანკის კოდი TRESGE22, სსიპ ,,შემოსავლების სამსახურის" ანგარიში/სახაზინო კოდი 707017021; გახსოვდეთ:  შემოსავლების სამსახურის ოფიციალურ ვებ-გვერდზე ( www.rs.ge ) ელექტრონულად წარმოდგენილ განცხადებას და ასევე, შემოსავლების სამსახურის მიერ ელექტრონულად გაცემულ ნებისმიერ დოკუმენტს გააჩნია ისეთივე იურიდიული ძალა,როგორც წერილობით დოკუმენტს, მიუხედავად იმისა, რომ მას არ ახლავს უფლბამოსილი პირის ხელმოწერა და ბეჭედი.