ინფო

განცხადება განკუთვნილია იმ პირთათვის, რომელთაც სურთ ტოტალიზატორის ობიექტის ადგილმდებარეობის შეცვლა. განცხადებასთან ერთად წარმოსადგენი დოკუმენტებია: ა) ხელშეკრულება ნებართვის მფლობელსა და იმ პირს შორის, რომელიც ამზადებს მომგებიანი თამაშობის (გარდა სისტემურ-ელექტრონული ფორმით გამართული თამაშობებისა) ბილეთებს, დასამზადებელი ბილეთების რაოდენობის და ნუმერაციის მითითებით; ბ) მომგებიანი თამაშობის მოწყობის პირობები (რეგლამენტი), ხოლო სისტემურ-ელექტრონული ფორმით მოწყობილი თამაშობის შემთხვევაში - სისტემურ-ელექტრონული ფორმით მოწყობილი თამაშობის წესი; გ) მომგებიანი თამაშობის (გარდა სისტემურ-ელექტრონული ფორმით მოწყობილი თამაშობისა) ბილეთის ნიმუში; დ) გამოსაყენებელი/გამოყენებული არსებითი პროდუქციის/მომსახურების საქართველოს ფინანსთა მინისტრის მიერ შემოღებულ/დადგენილ სტანდარტებთან/მოთხოვნებთან შესაბამისობის დამადასტურებელი ავტორიზაციის სერტიფიკატი. გაითვალისწინეთ, რომ დაუშვებელია ტოტალიზატორის მოწყობის მისამართის შეცვლა იმ შეთხვევაში, თუ კანონით ახალი მისამართისთვის დადგენილია მოსაკრებლის სხვა განაკვეთი. გაითვალისიწინეთ! შემოსავლების სამსახურის ოფიციალურ ვებ-გვერდზე (www.rs.ge) ელექტრონულად წარმოდგენილ განაცხადსა და მის საფუძველზე ელექტრონულად გაცემულ ნებისმიერ დოკუმენტს გააჩნია ისეთივე იურიდიული ძალა, როგორც წერილობით დოკუმენტს, მიუხედავათ იმისა, რომ მას არ ახლავს უფლებამოსილი პირის ხელმოწერა და ბეჭედი.