"ოქროს სიის" მონაწილის სტატუსის მინიჭების შესახებ
ინფო
გადამხდელი განცხადებით მიმართავს შემოსავლების სამსახურს ,,ოქროს სიის" მონაწილის სტატუსის მისაღებად. შემოსავლების სამსახური განიხილავს განცხადებას, გადაამოწმებს გადამხდელის მიერ წარმოდგენილი ინფორმაციის რეალობას შესაბამის ელექტრონულ ბაზაში. კანონმდებლობის მოთხოვნებთან შესაბამისობის პირობებში განმცხადებელს ენიჭება "ოქროს სიის" მონაწილის სტატუსი.
იმ შემთხევავში თუ პირი ვერ აკმაყოფილებს 2010 წლის 31 დეკემბრის ფინანსთა მინისტრის #993 ბრძანების 81-ე მუხლის პირველი პინქტის "ა" ქვეპუნქტით დადგენილ პირობებს, მაშინ განსაკუთრებულ შემთხვევაში, "ოქროს სიის" მონაწილის სტატუსი პირს შესაძლებელია მიენიჭოს 81-ე მუხლის პირველი პუნქტის "ა" ქვეპუნქტით დადგენილი პირობების დაკმაყოფილების გარეშეც, თუ იგი წარმოადგენს წერილობით ვალდებულებას, რომ განახორციელებს საქართველოს ეკონომიკურ ტერიტორიაზე არანაკლებ 5,0 მლნ ლარის სატარიფო ღირებულების საქონლის (ძირითადი საშუალებიების) იმპორტს "ოქროს სიის" მონაწილის სტატუსის მიღებიდან ერთი წლის (უწყვეტი 12 კალენდარული თვის) განმავლობაში. შემოსავლების სამსახური განიხილავს აღნიშნულ განცხადებას და თანხმობის შემთხვევაში პირს მიენიჭება "ოქროს სიის" მონაწილის სტატუსი.
იხილეთ განცხადების ფორმა.