ინფო

შემოსავლების სამსახურის მიერ გაიცემა საქონლის შეღავათიანი (პრეფერენციული) წარმოშობის სერტიფიკატები: ფორმა A, CT-1, EUR..1, წარმოშობის სერტიფიკატი (ჩინეთი), წარმოშობის სერტიფიკატი (ჰონგ-კონგი) და საქონლის შეღავათების გარეშე (არაპრეფერენციული) წარმოშობის სერტიფიკატი CERTIFICATE OF ORIGIN. საქონლის წარმოშობის სერტიფიკატის მისაღებად, ექსპორტიორმა განაცხადთან ერთად უნდა ატვირთოს შესაბამისი დოკუმენტაცია (ანგარიშფაქტურა (ინვოისი), დეკლარაცია საქონლის კუთვნილებისა და კრიტერიუმების შესახებ, ყურძნისეული წარმოშობის ალკოჰოლიანი სასმელების ან სპირტის შემთხვევაში -სსიპ ღვინის ეროვნული სააგენტოს მიერ გაცემული შესაბამისობის სერტიფიკატი). ასევე საჭიროებისამებრ, საქონლის წარმოშობის დამადასტურებელი დამატებითი დოკუმენტები. საქონლის წარმოშობის სერტიფიკატი გაიცემა განაცხადის რეგისტრაციიდან არაუგვიანეს 3 სამუშაო დღისა. საქონლის წარმოშობის სერტიფიკატის აღება შესაძლებელია საბაჟო დეპარტამენტის სტრუქტურულ ერთეულებსა და ქვედანაყოფებში (გეზი "თბილისი", გეზი "ბათუმი", გეზი "ფოთი", გეზი "აეროპორტი", ქუთაისის, ახალციხის, რუსთავისა და თელავის გაფორმების განყოფილებები, სგპ "ბათუმის პორტი", სგპ "ფოთისა და ყულევის პორტები და ფოთის თავისუფალი ინდუსტრიული ზონა", სგპ "ქუთაისისა და სენაკის აეროპორტები და ქუთაისის თავისუფალი ინდუსტრიული და ქუთაისის ჰუალინგის თავისუფალი ინდუსტრიული ზონები", ვაკე-საბურთალოს სერვის-ცენტრი, ზუგდიდის სერვის-ცენტრი, საბაჟო დეპარტამენტის არასატარიფო კონტროლის სამმართველო. დამატებითი ინფორმაციისთვის შეგიძლიათ მოგვმართოთ: შემოსავლების სამსახურის საბაჟო დეპარტამენტი, ქ. თბილისი, ორხევის დასახლება, აბზიანიძის ქ.N4, ტელ:2261250.