განცხადება განკუთვნილია გადახდის წყაროდან მიღებულ შემოსავალზე შეღავათის გამოყენების შესახებ ცნობის მისაღებად. ცნობა გამოიყენება მხოლოდ ხელფასის სახით მიღებულ შემოსავალებზე სსკ-ის 82-ე მუხლის მე-2 ნაწილით განსაზღვრული შეღავათების გავრცელებისას. ამასთან იგი არ წარმოადგენს საქართველოს საგადასახადო კანონმდებლობით გათვალისწინებული შეღავათის უფლების დამადასტურებელ დოკუმენტს. შესაბამისად, შეღავათის გამოყენების მიზნით, დაქირავებულმა პირმა დამქირავებელს (საგადასახადო აგენტს) ცნობასთან ერთად უნდა წარუდგინოს შეღავათით სარგებლობის უფლების დამადასტურებელი დოკუმენტი. ცნობა დაქირავებულს უფლებას აძლევს საგადასახდო წლის მიხედვით ისარგებლოს კუთვნილი საგადასახადო შეღავათით მხოლოდ ერთი დამქირავებლიდან (საგადასახადო აგენტიდან) მიღებულ შემოსავლებზე.
გაითვალისწინეთ,შემოსავლების სამსახურის ოფიციალურ ვებგვერდზე ( www.rs.ge ) ელექტრონულად წარმოდგენილ განცხადებას და ამის საფუძველზე ელექტრონულად გაცემულ ნებისმიერ დოკუმენტს გააჩნია ისეთივე იურიდიული ძალა, როგორც წერილობით დოკუმენტს, მიუხედავად იმისა, რომ მას არ ახლავს უფლებამოსილი პირის ხელმოწერა და ბეჭედი.
გაითვალისწინეთ, რომ შეღავათის სარგებლობის საფუძველით "ომის მონაწილე საქართველოს მოქალაქე" სარგებლობთ იმ შემთხვევაში თუ თავად ხართ ომის მონაწილე პირი. ხოლო იმ შემთხვევაში თუ თქვენ ვეტერნის მოწმობას ფლობთ ოჯახის წევრის ან სხვა რაიმე მიზეზის გამო ვერ ისარგებლებთ სსკ-ის 82-ე მუხლით დადგენილი საგადასახადო შეღავათით.