ინფო

განცხადება განკუთვნილია გრანტის მიმღები პირისთვის, რომელიც საქართველოს კანონმდებლობის შესაბამისად ყიდულობს გრანტის ხელშეკრულების პირობებით გათვალისწინებულ საქონელს ან/და მომსახურებას და სურს გადახდილი დღგ-ის გადასახადის პირადი აღრიცხვის ბარათზე ასახვა ჩათვლის მიღების/დაბრუნების მიზნით. გადასახადის გადამხდელი საგადასახადო ორგანოში წარადგენს აღნიშნულ განცხადებას, რომელსაც დაურთავს საგადასახადო ანგარიშ-ფაქტურებს, უკუდაბეგვრის შემთხვევაში კი დამატებული ღირებულების გადასახადის ბიუჯეტში გადახდის დამადასტურებელ დოკუმენტს, აგრეთვე, გრანტის შესახებ ხელშეკრულებიდან ამონაწერს (შესაბამის შემთხვევაში ქართულ ენაზე ნათარგმნს და ნოტარიულად დამოწმებულს), რომელზედაც იქნება მითითებული ხელშეკრულების ნომერი, მიმღები, განხორციელების ვადები, გრანტის მიზანი და ბიუჯეტი. ამასთან, გრანტის მიმღები პირის მიერ შესაბამისი დოკუმენტ(ებ)ი საგადასახადო ორგანოს წარედგინება დასაბეგრი ოპერაციის განხორციელების თვის დასრულებიდან მომდევნო 3 თვის ვადაში. ყურადღება: შემოსავლების სამსახურის ოფიციალურ ვებ-გვერდზე (WWW.RS.GE) ელექტრონულად წარმოდგენილ განაცხადსა და მის საფუძველზე ელექტრონულად გაცემულ ნებისმიერ დოკუმენტს გააჩნია ისეთივე იურიდიული ძალა, როგორც წერილობით დოკუმენტს, მიუხედავად იმისა, რომ მას არ ახლავს უფლებამოსილი პირის ხელმოწერა და ბეჭედი.