ინფო

ზედმეტად გადახდილი გადასახადის ან/და სანქციის თანხის არსებობის შემთხვევაში გადასახადის გადამხდელი/საგადასახადო აგენტი ან სხვა ვალდებული პირი უფლებამოსილია, მოითხოვოს აღნიშნული თანხის დაბრუნება პირად ანგარიშზე. ზედმეტად გადახდილი თანხის დაბრუნებისათვის გადასახადის გადამხდელი საგადასახადო ორგანოში წარდგენილ განცხადებას თან დაურთავს "გადასახადების ადმინისტრირების შესახებ" საქართველოს ფინანსთა მინისტრის 2010 წლის 31 დეკემბრის N996 ბრძანებით დამტკიცებული დანართი N1-13-ს შესაბამისად "გადასახადის გადამხდელის მოთხოვნა"-ს.. ამასთან, გადასახადის გადამხდელის მიერ წარდგენილ განცხადებაში და "გადასახადის გადამხდელის მოთხოვნა"-ში დეტალურად უნდა იქნეს აღწერილი ზედმეტად გადახდილი თანხის გამომწვევი მიზეზები და უნდა დაერთოს "ზედმეტად გადახდილი გადასახადის ან/და სანქციის თანხის დაბრუნების დამატებითი პროცედურების და "გადასახადის გადამხდელის მოთხოვნაზე" დასართავი საბუთების ნუსხის განსაზღვრის თაობაზე" საქართველოს ფინანსთა მინისტრის 2018 წლის 19 დეკემბრის N455 ბრძანებით განსაზღვრული შესაბამისი დოკუმენტაცია, რომელიც დიფერენცირებულია ზედმეტობის წარმოშობის მიზეზების შესაბამისად. ზედმეტად გადახდილი თანხის დაბრუნების სერვისით სარგებლობისათვის, სავალდებულოა, მიუთითოთ ქვემოთ ჩამოთვლილი საბანკო დაწესებულებებიდან რომელიმეში გახსნილი, გადასახადის გადამხდელის კუთვნილი, საბანკო ანგარიშის ნომერი: 1."თიბისი ბანკი" - TB; 2."საქართველოს ბანკი" - BG; 3."ბაზისბანკი" - BS; 4."სილქ როუდ ბანკი" - BT; 5."ფინკა ბანკი საქართველო" - FG; 6."ხალიკ ბანკი საქართველო" - HB; 7."ტერაბანკი" - KS; 8."ლიბერთი ბანკი" - LB; 9."ბანკი ქართუ" - CR ;10."ვი თი ბი" -VT.